近日，多咗搭地鐵，因新居仲未輪到車位。
多年無搭開，成個大鄉里咁！
話說，昨日，我要由奧運去元朗上堂。
我已經好叻咁識係南昌轉車。
之前我試過去錯咗荔景，但自從我download 咗隻＂教你如何搭地鐵＂嘅apps後，就搭得有信心好多！
最後我當然順利到達元朗。
出閘後，一睇地圖，嘩！發覺補習社原來離個站好遠！
做人，真係要當機立斷，我立即截架的士！
坐在涼浸浸嘅的士中，望著窗外熱辣辣的環境，覺得自己作出咗好英明的決定！
番到補習社。
期間，唔記得講開咩話題，我同學生講：
今日我發現，原來元朗站離呢度好遠架！
D學生問：咁阿sir你點過黎架？
我驕傲地說：我搭的士過黎囉！廿蚊咋，抵呀！
學生問：典解你唔搭輕鐵？
我話：車！搭輕鐵咪又係要俾錢！
學生這時同仇敵愾咁狂吼：
「唔-駛-錢-㗎！！！」
我覺得好失敗！
猶記得，從元朗站出閘時，我見到好多乘客向輕鐵站方向流動，當時一邊冷笑一邊心諗：
個個都轉去搭輕鐵，你估免費㗎咩？！
原來，真係免費！
我頂！
這時候，學生完全無視我嘅心情，繼續恥笑，還夾雜著以下的字眼：
Kai 子，戇居，屎忽鬼，痴孖欣⋯
最後，我這個痴孖欣，放學時，還要乞求他們帶我同教我搭輕鐵！
頂！
Search